മയ്യഴിപ്പുഴയുടെ തീരങ്ങളിൽ - എം മുകുന്ദൻ

അഭിലാഷങ്ങളുടെയും വ്യഥകളുടെയും നനവും നോവും പേറി മയ്യഴിപ്പുഴ കടലിനെ പൂണ്ടുകൊണ്ടേയിരിയ്ക്കുന്നു. മയ്യഴിപ്പുഴയൊഴുകുന്നിടത്തോളം എം മുകുന്ദനെന്ന മയ്യഴിയുടെ കഥാകാരൻ്റെ മനോഹരവൈഖരികളും ആസ്വാദകഹൃദയങ്ങളെ പുൽകിക്കൊണ്ടിരിയ്ക്കും. ഇരുപതുകളുടെ നിറവിൽ മുകുന്ദനെന്ന ചെറുപ്പക്കാരൻ്റെ തൂലിക ചലിച്ചപ്പോൾ മയ്യഴിയുടെ മനസ്സും അതിലെ മഷിയിലലിഞ്ഞിരുന്നു. ഫ്രഞ്ച് കോളനിഭരണത്തിൻ കീഴിൽ നിലനിൽക്കുമ്പോളും പരസ്പരം കൈമാറിയ സംസ്കാരങ്ങളുടെ മേമ്പൊടിയിൽ , ശാന്തമായിരുന്നു മയ്യഴിയുടെ വീഥികൾ.ഫ്രഞ്ച് നാമധേയങ്ങളോടു കൂടിയ മൂന്നു പ്രധാന വീഥികളും മൂന്നു സ്കൂളുകളും ഉൾക്കൊള്ളുന്ന പഴമയുടെ സുഖമൊന്നു വേറെയാണ്. കുറമ്പിയമ്മയുടെ മുത്തശ്ശിക്കഥകളായി പറഞ്ഞുതുടങ്ങുന്ന മയ്യഴിയുടെ പഴങ്കഥകൾ, ക്രമേണ ലെസ്ലീ സായ്വിൻ്റേയും, മെസ്സിയുടേയും, ഗസ്തോൻ സായ്വിൻ്റേയും , കുഞ്ചക്കൻ്റേയും, കോലധാരികളായ മലയക്കുടുംബത്തിൻ്റേയും, കുഞ്ഞനന്തന്മാഷുടേയും, കുഞ്ഞിച്ചിരുതയുടേയും കഥകളായി പരിണമിയ്ക്കുന്നു. പ്രധാന കഥാപാത്രമായ രാമു റൈട്ടറുടെ മകൻ ദാസനാണ് കഥാതന്തുവെ പിന്നീട് മുൻ നടത്തുന്നത്. ചെറുപ്പത്തിലേ ഗൗരവക്കാരനായി പഠിച്ചു വളർന്ന ദാസൻ, ഫ്രഞ്ച് ഗവണ്മേൻ്റിൻ്റെ ചെലവിൽ ഉപരിപഠനം നടത്തിയവനാണ്. എന്നിട്ടു കൂടി കമ്മ്യൂണീസത്തിൽ ആകൃഷ്ടനാവുകയും, മയ്യഴിയുടെ സ്വാതന്ത്ര്യസമരത്തിന് കൂട്ടാവുകയും ചെയ്തു എന്നതിനാൽ, ദാസന് ഉയർന്ന ഉദ്യോഗവും ശമ്പളവും ലഭിയ്ക്കുമെന്ന് പ്രതീക്ഷിച്ച രാമു റൈട്ടർക്കും കൗസുവമ്മയ്ക്കും കുറമ്പിയമ്മയ്ക്കും അവ കേവലം സ്വപ്നങ്ങളായി അവശേഷിച്ചു. ചന്ദ്രിക എന്ന ചെറുപ്പക്കാരിയോട് ദാസനുണ്ടായിരുന്ന പ്രണയവും സ്വാതന്ത്ര്യത്തിനു വേണ്ടിയുള്ള പ്രയത്നത്തിനിടയിൽ പൂവിടാതെ കൊഴിഞ്ഞു. ബന്ധുക്കൾ നിശ്ചയിച്ചതു പ്രകാരം വിവാഹത്തിനു താത്പര്യമില്ലാഞ്ഞ ചന്ദ്രിക വിധിയോടൊപ്പം അങ്ങകലെ വെള്ളിയാങ്കല്ലിലേയ്ക്കു ചേക്കേറി. ജയിൽ വാസവും അല്ലലും കഴിഞ്ഞു തിരികെയെത്തിയ ദാസന് തൻ്റെ ശരീരമല്ലാത്ത എന്തെങ്കിലും തനിക്കായി അവശേഷിയ്ക്കുന്നതായി തോന്നിയില്ല. അയാളും അങ്ങു ദൂരെ കണ്ണീർത്തുള്ളിപോലുള്ള വെള്ളിയാങ്കല്ലിൽ ഒരു തുമ്പിയായി പാറിപ്പറക്കാൻ മയ്യഴിയോടു വിടപറഞ്ഞു. മുകുന്ദൻ്റെ കഥാപാത്രങ്ങൾ രോഗങ്ങളും ദാരിദ്ര്യവും നയിച്ച ജീവിതത്തിൻ്റെ നരപ്പും നരകവും തുറന്നു കാട്ടിയിട്ടുണ്ട്. മാതാവിനേയും മീത്തലെ ദൈവങ്ങളേയും അഭിന്നമായി ആരാധിച്ചു പോന്നിരുന്നു അവർ. കുറമ്പിയമ്മേ , ഇത്തിരി പൊടി തരുവൊ? പരന്തീസിൻ്റെ കൂട്ടുകാരിയായ കുറമ്പിയമ്മ , ആനക്കൊമ്പിൽ തീർത്ത പൊടിഡപ്പി ലസ്ലീ സായ്വിനു നീട്ടി : അയ്നെന്താ മോസ്സ്യേ , അത് ചോയ്ക്കാനുണ്ടോ ? ഉശിരൻ കുതിരകളുടെ കുളമ്പടി മാഞ്ഞു. ഗസ്തോൻ സയ്വിൻ്റെ മുറിയിൽ മഞ്ഞ വെളിച്ചം ഏകാന്തവാസത്തിനു കൂട്ടു നിന്നു. ഗിറ്റാറിൽ ഷണ്ഡൻ്റെ ശോകസംഗീതം കടൽപ്പരപ്പിലെ ശാന്തതയിലൂടെ അങ്ങു വെള്ളിയാങ്കല്ലിൽ ചെന്നുറങ്ങി. മയ്യഴി ഒഴുകുകയാണിപ്പോഴും എല്ലാറ്റിനും സാക്ഷിയായി. കാലങ്ങൾക്കിപ്പുറവും നെഞ്ചിൽ തൊടുന്ന മുകുന്ദൻ്റെ അനന്യമായ രചന: മയ്യഴിപ്പുഴയുടെ തീരങ്ങളിൽ.

ഹെർകുലീസ് കഥകൾ

ധീരനും വീരനുമായിരുന്ന ഹെർകുലീസിനെ അറിയാത്തവരായി ആരുമില്ല. കൊച്ചു കുട്ടികളുടെ മനം കവരുന്ന സാഹസപ്രവൃത്തികൾ ചെയ്ത ഹെർക്കുലീസ് യുവാക്കളുടെ പോലും വീരസങ്കല്പങ്ങളുടെ സുവർണ്ണാക്ഷരങ്ങൾക്ക് ഭംഗി കൂട്ടുന്നയാളാണ്. ഹീരയുടേയും യുറിസ്തിയോസിൻ്റേയും കുടിലതകളുടെ അതിർ വരമ്പുകളെ ഭേദിച്ച് പന്ത്രണ്ട് ദുഷ്കരപ്രവൃത്തികളും , തൻ്റെ സിദ്ധികളും കൗശലവുമുപയോഗിച്ച് ചെയ്തു തീർത്ത മഹാനായ ഹെർക്കുലീസ് ചെയ്യാൻ നിശ്ചയിക്കപ്പെട്ട ഒരു പ്രവൃത്തിയിൽ നിന്നും പിന്മാറുകയോ പൂർത്തിയാക്കാതിരിക്കുകയോ ചെയ്തിട്ടില്ല. ദേവതകളുടെ സഹായത്തോടെയും അല്ലാതെയും ഹെർകുലീസ് ചെയ്ത സാഹസങ്ങളിൽ ഗ്രീക്ക് പുരാണനായകന്മാരും അഗ്നി ഭൂമിയിലേയ്ക്കു കൊണ്ടുവന്ന സൃഷ്ടികാരകനായ പ്രൊമിത്യൂസിനെ പോലുള്ള ഒഴിവാക്കാനാകാത്ത കഥാപാത്രങ്ങളും ഉൾപ്പെടുന്നു. പൂർവ്വകാലങ്ങളിൽ തന്നെ പ്രചാരത്തിലുള്ള ഇത്തരം കഥകളെയും കഥാപാത്രങ്ങളേയും പരിചയപ്പെടുത്തുന്ന ജേക്കബ് ഐപ്പിൻ്റെ ചെറിയ പുസ്തകത്തിൽ സരളവും ലളിതവുമായി ഹെർകുലീസിൻ്റെ ജീവിതം ആഖ്യാനം ചെയ്യപ്പെട്ടിരിയ്ക്കുന്നു. ഒറ്റയിരിപ്പിന് വായിച്ചു തീർക്കാൻ തോന്നുന്ന കഥകളുടെ ചെറിയൊരു കൂട്ടം വായിയ്ക്കാൻ സന്ദർശിയ്ക്കൂ : https://www.booksdeal.in/product/her-cul-jac-ipe-17087

ആതി - സാറാ ജോസഫ് AATHI- SARA JOSEPH

കാലം കടന്നു പൊയ്ക്കൊണ്ടിരിക്കെ , ഭ്രാന്തനായ മനുഷ്യൻ്റെ അന്ധമായ ഇടപെടലുകളിൽ അസഹ്യമായ വേദന തിന്നുന്ന പ്രകൃതിയുടെ തേങ്ങലുകൾ സാറാ ജോസഫ് തൻ്റെ വാക്കുകളിലൂടേ പുറം ലോകത്തെ അറിയിയ്ക്കുകയാണ്. ജലത്തെ ബിംബമാക്കി മുന്നോട്ടുപോകുന്ന ഈ പുസ്തകത്തിലെ വരികളിൽ , സ്വന്തം ഊരും ഉയിരും എന്തിനൊക്കെയോ വേണ്ടി ഉപേക്ഷിയ്ക്കേണ്ടി വന്ന പ്രകൃതിയുടെ കുറേ മൂർത്തഭാവങ്ങളെ സാറാ ജോസഫ് വെളിച്ചത്തു കൊണ്ടുവരുന്നു.

All time bestseller "The Story of my experiments with truth"

Unusual autobiography of Mahatma Gandhi

മലയാളപഠനത്തിൻ്റെ രീതിശാസ്ത്രം - ആതിര കെ ആർ

മലയാളഭാഷയെ ആഴത്തിൽ പഠിയ്ക്കാൻ ആഗ്രഹിയ്ക്കുന്ന വിദ്യാർഥികളെ ഉദ്ദേശിച്ചുകൊണ്ട്, പാലാ സെൻ്റ് തോമസ് കോളേജിലെ മലയാളസാഹിത്യ ഗവേഷകയായ ആതിര കെ ആർ തയ്യാറാക്കിയ പുസ്തകമാണ് 'മലയാളപഠനത്തിൻ്റെ രീതിശാസ്ത്രം'. ഭാഷാപഠനത്തിൻ്റെ ആദ്യപടിയായ വ്യാകരണം മുതൽ ഭാഷാശാസ്ത്രം ഭാഷാചരിത്രം നിഘണ്ടു വിജ്ഞാനം എന്നിവയെ പരിചയിപ്പിച്ചു കൊണ്ട് ആരംഭിച്ച്, സാഹിത്യചരിത്രം , നടപ്പിലുള്ള സിദ്ധാന്തങ്ങൾ എന്നിവയെ പറ്റിയും, ഭാഷയിലെ അന്തരങ്ങൾ , ഡിജിറ്റൽ യുഗത്തിലെ ഭാഷയുടേ സ്ഥിതിയെ പറ്റിയും പഠിതാവിന് ബോധമുണ്ടാക്കാൻ ആതിരയുടെ പുസ്തകം വഴിയൊരുക്കുന്നു. മലയാളാഭാഷാപഠനത്തിനു സഹായകങ്ങളായ ഗ്രന്ഥങ്ങളെ പറ്റിയും, പുസ്തകം പ്രതിപാദിയ്ക്കുന്നുണ്ട്. എഴുത്തച്ഛനെ കുറിച്ച് കേരളസാഹിത്യ ചരിത്രത്തിലും കൈരളിയുടെ കഥയിലുമുള്ള പരാമർശങ്ങളെ ഗ്രന്ഥകാരി വായനക്കാർക്ക് പരിചയപ്പെടുത്തുന്നുണ്ട്. അവയുടെ താരതമ്യപഠനവും ഉൾപ്പെടുത്തിയിട്ടുണ്ട്. പഠിതാക്കൾക്ക് കൂടുതൽ അറിവുപകരുന്ന സഹായകഗ്രന്ഥങ്ങളെ പറ്റിയും ഈ പുസ്തകം പ്രതിപാദിയ്ക്കുന്നുണ്ട് എന്നതിനാൽ വിദ്യാർത്ഥികൾക്ക് ഭാഷാപഠനത്തിലുള്ള ഉത്സാഹം വർദ്ധിപ്പിയ്ക്കാൻ ഈ പുസ്തകം സഹായകമാവുമെന്നത് തീർച്ചയാണ്

Post-Theory and the discourses of the new introductory reading - foreword by Jonathan D Culler and Ronald Strickland

Post-Theory and the Discourses of the New: Introductory Readings Abstract: It has been widely argued that criticism and literary theory have undergone radical transformations during the early decades of the twenty-first century. The age of literary theory paved way for what has been generally termed as “post-theory age.” In the post-theory ages, as Timothy Morton argues, “Humans keep trying to distinguish rigorously between the living and the machinic.” This liberal humanist distinction between human and non-human appears to be untenable, for “life as such is a machinic, algorithmic functioning” and those categories which we signify as “life” and “consciousness” are to be understood as machinic affects. The existing critical paradigms fail to make sense when scenarios of revolutionary magnitude, of the kind mentioned above, emerge. The proposed book intends to provide a spectrum of informed introductions to emergent “thinking tools” so as to facilitate

വിഷുപ്പക്ഷി - ആർ കെ വള്ളിച്ചിറ

ആശയങ്ങളെ ആരാധിയ്ക്കുന്നവർ , ഭാഷയെ ആരാധിയ്ക്കുന്നവർ, ശൈലികളെ ആരാധിയ്ക്കുന്നവർ എന്നിങ്ങനെ കവിതാസ്വാദനത്തിൻ്റെ പല മാനങ്ങൾ ലോകരിൽ ഉണ്ടല്ലോ.

നേരാഴം - പ്രമീളാദേവി

കൈവിട്ടു പോയ പട്ടം പോലെയാണ് ഭാവനാത്മകമായ മനസ്സ്. അതിനാൽ തന്നെ, അനുസ്യൂതം ചിന്തകളിൽ അഭിരമിയ്ക്കുന്നവരാണ് ആരും. ആ ചിന്തകളിലെ ആനന്ദവും, അല്ലലും, അറപ്പും, ആധികളും സുഷ്ഠുവായി നിരീക്ഷിച്ച് അവയെ വേർപ്പെടുത്തി,

ചിത്രലക്ഷണം - കെ കെ വാര്യർ

ഭാരതീയ ചിത്രകലയെ സംബന്ധിച്ച് മലയാളത്തിൽ പ്രസിദ്ധപ്പെടുത്തുന്ന രണ്ടാമത്തെ ആധികാരിക ശാസ്ത്രഗ്രന്ഥമാണ് ചിത്രലക്ഷണം. 2002-ൽ പ്രസിദ്ധീകൃതമായ ചിത്രസൂത്രമാണ് ഒന്നാമത്തെ കൃതി.

ഋതുഭേദങ്ങളുടെ പാരിതോഷികം - പത്മരാജൻ

ജീവിതങ്ങളുടെ ഇരുട്ടറകളിൽ അറച്ചിരിയ്ക്കുന്ന നഗ്നചിന്തകളെ , പട്ടും പൂവ്വും ചൂടിച്ച് , അസത്യങ്ങളായ ആഭരങ്ങളണിയിച്ചു നടത്തുന്ന സമൂഹത്തിൻ്റെ കാപട്യം തുറന്നു കാട്ടുകയാണ് പത്മരാജൻ. കാഴ്ചക്കാരന് കേവലം ഭ്രാന്ത് എന്നെഴുതിത്തള്ളാൻ മാത്രമാകുന്ന , എന്നാൽ, നി:സംഗതയുടെ , നിർവ്വേദത്തിൻ്റെ , നിരാശയുടെ തലപൊക്കാനാവാത്ത ആത്മാഭിമാനങ്ങളുടെ , അനഭിലഷണീയങ്ങളായ കയ്പുകളുടെ , ഉൾവലിയലിൻ്റെ കഥകളായ, ഓരോ വിഭ്രാന്തികളുടെയും ഓരോ ജീവച്ഛവങ്ങളൂടെയും മൗനങ്ങളെ, തുറന്നു പറയിപ്പിയ്ക്കുകയാണ് ഈ നോവൽ . ജീവിതയാത്രയിൽ പൂവ്വും പ്രസാദവും തന്നനുഗ്രഹിയ്ക്കേണ്ടവർ, താങ്ങും തണലുമാകേണ്ടവർ, അനാശാസ്യങ്ങളായ അനുഭവങ്ങളുടെ പെരുമഴയത്ത്, തുള വീണ കുടയായി ജീവിതം വലയ്ക്കുമ്പോൾ , ശവങ്ങളെ പോലെ നിശ്ചേഷ്ടരാകേണ്ടി വന്നവർ അങ്ങനെ നിരവധി പേരുടെ ഡയറിക്കുറിപ്പാണ് ഈ നോവൽ എന്നു തോന്നും. ഋതുഭേദങ്ങൾ പലപ്പോഴും സമ്മാനിയ്ക്കുന്ന പാരിതോഷികങ്ങളിൽ മുത്തും പാഴ്പായലും വേർതിരിയ്ക്കാനാകാതെ, വിജൃംഭിച്ചു പോയ ജീവിതങ്ങളെയൊക്കെയും, ബാബു എന്ന രണ്ടക്ഷരത്തിലൂടെ പത്മരാജൻ തുറന്നു വെയ്ക്കുന്നു. വായനക്കാരനെ അവാച്യമായ ചിന്താതരംഗങ്ങളിലെത്തിയ്ക്കുന്ന ഈ നോവൽ ഏതൊരു സാഹിത്യാസ്വാദകനും വായിയ്ക്കേണ്ടതു തന്നെ.

ചേതൻ ഭഗത്തിന്റെ ഏഴാമത് നോവൽ

ചേതൻ ഭഗത്തിന്റെ ഏഴാമത് നോവലായ "one Indian girl " ന്റെ മലയാള പരിഭാഷ

ആരോഗ്യ സംരക്ഷണം യോഗയിലൂടെ

നാലു രോഗങ്ങളിൽ നിന്ന് മുക്തി നേടാം യോഗയിലൂടെ