നാരായണീയം

മേല്പത്തൂർ നാരായണ ഭട്ടതിരിയുടെ നാരായണീയ കാവ്യത്തിന് ഒരു നൂതനവ്യാഖ്യായിക - മുരളീരവം. ഡോ. വിശ്വനാഥൻ നമ്പൂതിരി രചിച്ച് ഭാഷാ ഇൻസ്റ്റിറ്റ്യൂട്ട് പ്രസിദ്ധീകരിച്ച വ്യാഖ്യാനം വിപണിയിൽ. നാരായണീയം കാവ്യ സൗന്ദര്യം കൊണ്ടും മേല്പത്തൂരിൻ്റെ ധിഷണാപാടവം കൊണ്ടും വ്യാകരണം തുടങ്ങിയവയിൽ പുലർത്തിയിരിയ്ക്കുന്ന വിശുദ്ധി കൊണ്ടും ശ്രേഷ്ഠമാണ്. മേല്പത്തൂരിൻ്റെ ഗഹനങ്ങളായ അന്യകൃതികളെ അപേക്ഷിച്ച് കൃഷ്ണഭക്തിയുടെ മാധുര്യം കൊണ്ടു മനോഹരമായ മലയാളിയായ കവിയുടെ പ്രസ്തുതകാവ്യം , കേരളീയർക്ക് സുപരിചിതവും അനുപേക്ഷണീയവുമത്രേ. ഈ കൃതിയ്ക്ക് ഇന്നു വരെ പലേ വ്യാഖ്യാനങ്ങളും ഗദ്യങ്ങളായും പദ്യങ്ങളായും വന്നു കഴിഞ്ഞിട്ടുണ്ടെങ്കിലും , ഭാഷാപ്രയോക്താക്കളിൽ നടപ്പുഭാഷയുമായുള്ള അകലം നന്നേ പ്രകടമായിരുന്നൂ എന്നതിനാൽ, പുതുസമൂഹത്തിന് അവ കുറഞ്ഞ അളവിലേ പ്രയോജനപ്പെട്ടുള്ളൂ എന്ന തിരിച്ചറിവിൽ നിന്നാണ് "മുരളീരവം" വ്യാഖ്യാനം ഉടലെടുക്കുന്നത്. പദം പദച്ഛേദം അന്വയം അർത്ഥം എന്ന നിലയ്ക്കാണീ പുസ്തകത്തിൻ്റെ രചന. നല്ല ഒരു വായന ആശംസിയ്ക്കുന്നു. ഞങ്ങളോട് സംസാരിയ്ക്കൂ : 91 6238 185 166